काठमाडौं – नेपालमा हस्पिटालिटी क्षेत्रको प्रवर्द्धन तथा पर्यटन उद्योगको सुदृढीकरणका लागि कार्यरत हस्पिटालिटी सेल्स एण्ड मार्केटिङ एसोसिएसन नेपाल (HASMAN) ले टुरशाला मिडियालाई आफ्नो आधिकारिक मिडिया पार्टनरको रूपमा घोषणा गरेको छ।
HASMAN अध्यक्ष रोबिन्सन महर्जन नेतृत्वको टोलीले टुरशाला प्रधान सम्पादक राजेन्द्र भट्ट (राजु झल्लु प्रसाद) ले पत्रकारितामा पुर्याएको योगदानको उच्च मूल्यांकन गर्दै २०२३ देखि जारी सहकार्यलाई अझ सशक्त बनाउने प्रतिबद्धता जनाएको छ।
पर्यटन प्रवर्द्धनमा टुरशालाले खेलेको महत्त्वपूर्ण भूमिकालाई ध्यानमा राख्दै, यस सहकार्यलाई अझ मजबुत बनाउने प्रतिबद्धता समेत HASMAN व्यक्त गरेको छ।
“टुरशाला नेपालकै एक उदीयमान र बहुआयामी मिडिया प्लेटफर्म हो, जसले पर्यटन, वातावरण, इतिहास, संस्कृति, पुरातत्व, कृषि, जलवायु परिवर्तन जस्ता विविध विषयमा रिपोर्टिङ गर्दै आएको छ। डिजिटल युगमा ग्रामीण समुदायलाई साइबर सुरक्षा, इको-टुरिजम, स्वच्छ खानपान जस्ता महत्वपूर्ण मुद्दामा सचेत गराउने टुरशालाको अभियान प्रशंसनीय छ”, HASMAN का सचीव दीपक पोख्रेलले बताएका छन् ।
HASMAN: हस्पिटालिटी क्षेत्रको सशक्त नेटवर्क
HASMAN होटल तथा रिसोर्टमा कार्यरत सेल्स तथा मार्केटिङ स्टाफहरूको नेटवर्किङ र सहकार्यलाई सुदृढ बनाउन गठित संस्था हो। ११ सदस्यीय कार्यसमितिमा अध्यक्षमा रोबिन्सन महर्जन, उपाध्यक्षमा सञ्जीव तुलाधर, महासचिवमा दीपक पोखरेल, सचिवमा लक्ष्मी श्रेष्ठ, कोषाध्यक्षमा गणेश बुढाथोकी लगायत अन्य अनुभवी सदस्यहरू रहेका छन्। संस्थाले नेपालभरका पाँचतारे होटलदेखि टुरिस्ट क्याटेगोरीका होटलहरूसँग सहकार्य गर्दै हस्पिटालिटी उद्योगको प्रवर्द्धनमा महत्वपूर्ण भूमिका खेल्दै आएको छ।
HASMAN र टुरशालाको सहकार्यबाट नेपालका होटल, रिसोर्ट, तथा पर्यटन व्यवसायसँग सम्बन्धित विभिन्न कार्यक्रम, अध्ययन, अनुसन्धान तथा प्रवर्द्धनात्मक गतिविधिहरूमा मिडिया सपोर्ट प्राप्त हुने विश्वास टुरशालाका प्रबन्धक प्रेम बास्तोलाले गरेका छन् । “यस सहकार्यले नेपालको हस्पिटालिटी उद्योगलाई राष्ट्रिय तथा अन्तर्राष्ट्रिय स्तरमा प्रवर्द्धन गर्न सहयोग गर्नेछ भने हामी दुई संस्थाको सहकार्यले नेपालको पर्यटन उद्योगमा थप टेवा पुग्नेछ”, उनले भने।
Discussion about this post