काठमाडौं: त्रिभुवन अन्तर्राष्ट्रिय विमानस्थलबाट यात्रा गर्ने विशिष्ट व्यक्ति (भीआईपी)हरूले अब भीआईपी कक्षबाट जहाज पार्किङस्थलसम्म आफ्नो सवारी साधन लैजान नपाउने भएका छन् ।
उनीहरूको हकमा सुरक्षा प्रहरीसहितको सम्बन्धित वायुसेवाको भीआइपी सवारी साधनले जहाजसम्म लैजाने व्यवस्था मिलाइएको छ । विमानस्थलका निर्देशक टेकनाथ सिटौलाले अतिविशिष्ट/विशिष्ट आवागमन व्यवस्थापन सम्बन्धि कार्यविधि २०८० अनुसार यस्तो नियम अनिवार्य गरिएको जानकारी दिए ।
यसअघि पूर्वप्रधानमन्त्री, पार्टी अध्यक्षहरू तथा मन्त्रीहरूले आफ्नै गाडी जहाजसम्म लैजाने गरेकोमा अब यस्तो व्यवस्थालाई संशोधन गरिएको हो । तर, भीभीआइपी (अतिविशिष्ट)को हकमा भने सुरक्षा एस्कर्टसहित आवागमनको व्यवस्था मिलाइएको विमानस्थलले जनाएको छ ।
Discussion about this post